تحریر: توقیر مصطفی بدر
کچھ لوگوں کی عقل کہتی ہے کہ اتنی بڑی تعداد میں جانوروں کا خون بہانے سے بہتر ہے، غریبوں کی مدد کردی جائے، لڑکیوں کے جہیز تیار کروادیے جائیں وغیرہ وغیرہ
کئی معصوم لوگ اس سوچ سے متاثر بھی ہوجاتے ہیں۔۔۔۔
آئیے!اس کے دوپہلو دیکھتے ہیں۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہاں اللہ کاحکم ہوجائے وہاں عقل کا کام ختم ہوجاتا ہے۔۔۔۔۔
وحی کا آغاز ہی وہاں سے ہوتا ہے جہاں عقل کی انتہا ہوجاتی ہے۔۔۔۔۔
سیدھی سادی اور عشق سے بھرپور بات تو یہ ہے کہ اللہ کا حکم ہے اس لیے ہم تو لازمی قربانی کریں گے اور خوشی بخوشی کریں گے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دوسری بات یہ ہے کہ گزشتہ ایک عشرے سے خاموشی اور تواتر سے یہ سوچ پھیلانے کی کوشش کی جارہی ہے اور مقصد قربانی کو بے وقعت ثابت کرنا ہے۔۔۔۔۔۔
جو لوگ متاثر ہوتے ہیں، ان کی اکثریت انسانی ہمدردی میں ایسا سوچتی ہے لیکن ان سوچوں کو منظم طور پر ترویج دینے والوں کے درپردہ مقاصد اور ہیں۔۔۔۔۔
یہ ایک سلسلہ ہے جس کے تحت اسلام کے تمام شعائر کو آہستہ آہستہ ختم کرنا مقصود ہے۔۔۔۔۔
آپ یہی تنقید کبھی کبھار حج کے بارے میں بھی سنتے ہونگے۔۔۔۔۔
اگر ان کی سوچ اتنی ہی راست ہے تو یہ مخصوص چہرے اور ٹولہ کبھی آپ کو یہی رخ نیوائیر نائٹ ، ویلنٹائن ڈے اوربسنت وغیرہ کے بارے میں نہیں دکھائے گا۔۔۔۔۔
ان سب کو شخصی آزادی اور تفریح کا موجب بتایا جاتا ہے اور آپ بیشک اس مخصوص طبقے کے بسنت کے حق میں دیے جانے والے دلائل پرکھ لیں۔۔۔۔۔
اس کا مطلب ہے کہ دال میں کچھ کالا ضرور ہے۔۔۔۔۔۔
یہ اصول ان مہنگے کلبز کے بارے میں نہیں سنائے جاتے جن کی ماہانہ فیس ایک اوسط درجے کے بکرے کی قیمت سے زیادہ ہے۔۔۔۔۔۔
ایسے ایسے سلمنگ کلینکس اورجمز موجود ہیں جن کی سالانہ فیس لاکھوں میں ہے اور سال کی فیس بھی ایڈوانس میں دینی پڑتی ہے۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اب کچھ لوگ کہہ سکتے ہیں کہ یہ انفرادی معاملہ ہے۔۔۔۔۔۔
اوپر غور سے جائزہ لیا جائے تو اجتماعی اور انفرادی دونوں مثالیں دی گئی ہیں جن میں لاکھوں اڑایا جاتا ہے۔۔۔۔۔۔
ایک مہنگے ہوٹل کا چار بندوں کے ایک وقت کے کھانے کا بل کتنا ہوتا ہے؟؟؟
ایک مہنگے ہوٹل کا ایک رات کا خرچہ کتنا ہوتا ہے؟؟؟
یقین کریں کہ بکرے،دنبے اوربڑے جانور کے حصے کی قیمت بہت معصوم معلوم ہوگی اور وہ بھی سال میں صرف ایک دفعہ۔۔۔۔۔۔
دلائل دینے والوں کی اکثریت ان جگہوں پر پائی جاتی ہے اور وہاں پیسہ خرچ کرتے ہوئے کوئی غریب یا اس کی بیٹی کا جہیز نہیں یا د آتا۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میری ان نرم دل لوگوں سے درخواست ہے جو ایسے لوگوں کی بظاہر غریبوں کی درد سے بھرپور سوچ سے متاثر ہوجاتے ہیں، کہ ان کا اصل چہرہ پہچانیں اور اللہ کے حکم کے آگے بغیر دلیل اور چوں چرا کے جھکنا سیکھیں۔۔۔۔۔۔
اللہ استقامت اور عشق میں مضبوطی عطا فرمائے گا ان شاء اللہ
تحریر: توقیر مصطفی بدر
