تحریر: سیداسدکاکاخیل
صوبہ خیبر پختونخوا اور پاکستان کا ایک اہم شہر ایبٹ آباد جو پاکستان کا پرفضا مقام ہے۔ یہاں کے افراد کی مادری زبان ہندکو ہے۔ ایبٹ آباد میں کئی مشہور سکول اور تعلیمی ادارے ہیں۔ برطانوی دور حکومت میں قائم شدہ آرمی برن ہال کالج اور پاکستان ملٹری اکیڈمی کاکول ان میں اہم تعلیمی ادارے ہیں جو کہ فوجی اور سول تعلیم کے لئے پاکستان میں شہرت رکھتے ہیں۔پاكستان كے شہر كراچی كو جس طرح روشنيوں كا شہر كہا جاتا ہے اسی طرح ايبٹ آباد كو بھی سكولوں كا شہر كہا جاتاہے. تعليمی سرگرميوں ميں ہميشہ پيش پيش رہا۔ صوبہ خیبر پختونخوا كےہر علاقے سے ہر سال سيكڑوں بچے پڑھنے آتے ہیں. ایبٹ آباد اپنے پرفضا مقامات کی وجہ سے پورے پاکستان میں مشہور ہے۔ مشہور قراقرم ہائی وے ایبٹ آباد ضلع کے مقام ہری پور سے شروع ہوتی ہے۔ سر سبز مقامات سے گھرے ہونے کی وجہ سے گرمیوں میں بھی موسم خوشگوار ہوتا ہے۔
ہنزہ، گلگت، سکردو جانے کے لئے ایبٹ آباد ایک جنکشن کا کام دیتا ہے۔ اہم تفریحی مقامات میں ‘ایوبیہ’ رنو،عزیز آباد, نورمنگ , کالاباغ, نتھیا گلی, مانسہرہ ،کلندرآباد،ناراں،کاغان جیسے مکامات بھی ہزارہ کو اور بھی دلکش بنا دیتے ہیں . یہ علاقہ چار چھوٹی پہاڑیوں پر مشتمل ہے اور سابق صدر پاکستان جناب ایوب خان کے نام پر اس علاقے کانام ایوبیہ رکھا گیا۔ یہ علاقہ 26 کلومیٹر پر مشتمل ہے اور علاقے کی سیت کے لئے چیر لفٹ ہے جس سے علاقے کا نظارہ کیاجا سکتا ہے۔ ٹھنڈیانی، جس کا مطلب مقامی زبان میں سرد ہے ایک اہم تفریحی مقام ہے۔ پائن درختوں کے جھنڈ میں یہ ایک سطح مرتفع پر مشتمل پرفضا مقام ہے۔ سطح سمندر سے اس کی بلندی 2700 میٹر ہے۔ ایبٹ آباد شہر سے اس کی دوری 31 کلومیٹر ہے اور ایبٹ آباد سے آسانی کے ساتھ وہاں پہنچا جا سکتا ہے۔ شام کے وقت ایبٹ آباد شہر کی روشنیاں وہاں سے صاف دکھائی دیتی ہیں۔ ايبٹ آباد كے مشہور گاؤں ميں مالسہ جو کہ ایک وادی نما خطہ ہے بہت خوبصورت ہے۔جو ايبٹ آباد سے 15 كلو ميٹركے فاصلہ پر ہے یہ چاروں طرف سےخوبصورت پہاڑوں کے درمیان واقع ہے یہ پیالہ نما وادی ہے یہ ضلع ایبٹ آبادکا سب سے بڑا گاؤں ہے. میران جانی ضلع کا سب سے اونچا مقام ہے-
انہی سر سبز و شاداب وادیوں میں محمد اقبال ہاکی گراونڈ بھی موجود ہے. جہاں پر سجی ہوئی رونقیں دیکھ کر احساس ہوا کے دنیا کے کینوس پر حیات کے کچھ جاوداں لمحے بڑے قیمتی ہوتے ہیں اور جی چاہتا ہے کی ایسے لمحات کو ہمیشہ کےلئے قید کر لیا جائے.خصوصا” ان لوگوں کےلئے جن کی زندگیاں نشیب و فراز سے عبارت ہوں .مگر وہ باہمت لوگ کچھ کر گزرنے کا حوصلہ رکھتے ہوں .ایسے لوگوں کی پذیرائی اور حوصلہ افزائی کےلئے محمد اقبال ہاکی گراونڈ ایبٹ آباد میں 23ویں آل پاکستان سپورٹس برائے افراد باہمی معزوری کی ایک رنگا رنگ تقریب سجائی گئی,مختلف کھیلوں کا انعقاد کیا گیا اور انعامات تقسیم کئے گئے.تقریب میں پاکستان بشمول کشمیر سمیت بہت سے افراد نے شرکت کی اورمختلف کھیلوں میں حصہ لیا. سماعت "بصارت اور جسم کے کسی قیمتی عضو سے محروم بچوں کا جوش و خروش قابل دید اور قابل داد تھا.
