کویت، 23 اپریل، 2020، موجودہ ہفتے کے اختتام سے ماہ رمضان المبارک کی آمد کے پیش نظر افطار و سحری کی تیاری کے لیے شہریوں کی بڑی تعداد تیزی سے کھانے پینے کا سامان اور دیگر ضروریاتِ زندگی کی خریداری کے لیے سپر مارکیٹس اور کوآپریٹیو اسٹورز (جمعیہ) کا رخ کررہی ہے۔ کویت کی مقامی روایات کے مطابق غبقة اور سحری میں فیملی کے افراد اور دوست پرتکلف دعوت کے مزے اڑانے کے لیے اکھٹے ہوتے ہیں۔
لیکن کویت میں کورونا وائرس کی موجودہ صورتحال کے پیش نظر اس وبا کے پھیلاؤ کی روک تھام اور پہلے سے نافذ کرفیو ، لاک ڈاؤن کی وجہ سے اس بار ماہ مبارک کے دوران کومخلتف معمولات احتیاطی تدابیر کے ساتھ گزرانے کی ضرورت درپیش ہے۔
سماجی فاصلے کو برقرار رکھنے کی پابندی، ممکنہ طور پر صرف فیملی ممبرز پر مشتمل افطار و سحر اور زیادہ افراد پر مشتمل ہجوم کی ممانعت، اس ماہ رمضان المبارک کی رونقوں کو پھیکا کرسکتی ہے۔ خریداروں، کوآپریٹیو اسٹورز اور سپر مارکیٹس کو واضح ہدایات کی گئی ہیں کہ وہ سختی سے حکومت اور انتظامیہ کی جانب سے جاری کی گئیں ہدایات پر عمل اور رمضان المبارک کی پہلی تاریخ سے شام 4 بجے سے رات 8 بجے تک کے لیے نافذ العمل ہونے والے کرفیو پر عمل کرنے کے پابند ہوں گے۔
آن لائن خریداری ، سپراسٹورز پر جاکر خریداری کرنے سے کہیں زیادہ محفوظ عمل ہے۔ کورونا کی صورتحال میں بعض خریدار آن لائن خریداری کررہے ہیں اور بڑھتے ہوئے اس رجحان اور سماجی فاصلے کی پابندی کرنے پر ، وزارت صحت نے اس رجحان کی حوصلہ افزائی کی ہے۔ رمضان المبارک میں کوآپریٹیو اسٹورز صبح 9 سے دوپہر 3 بجے تک اور رات 8 سے رات 2 بجے تک صرف آن لائن ڈیلیوری، کرفیو پاسز کے اہل افراد، اور ان افراد کے لیے کھلے رہیں گے جنہوں نے پہلے ہی اپنے علاقوں سے کوآپریٹیو اسٹورز سے مقررہ تاریخ اور وقت کے لیے آن لائن خریداری کے لیے بکنگ کرائی ہوگی۔ دیگر افراد وزارتِ تجارت کی ویب سائٹ (www.moci.shop) پر جاکر اپنے علاقے کی متعلقہ جمعیہ میں خریداری کے لئے بکنگ رجسٹر کرواکے کرفیو کے اوقات میں شاپنگ کے لئے پاسز حاصل کرسکتے ہیں۔
ان افراد کو آن لائن بکنگ کے لیے صرف ذیل میں دی گئی مطلوب معلومات کا آن لائن اندراج کرنا ہوگا۔
- نمبر۔1: مطلوبہ زبان کا انتخاب
- نمبر۔2: سول آئی ڈی (بطاقہ مدنی) کا اندراج
- نمبر۔3: بطاقہ مدنی سیریل نمبر
- نمبر.4: نام
- نمبر.5: ڈسٹرکٹ
- نمبر.6: موبائل فون نمبر
- نمبر.7: ای میل ایڈریس
- نمبر.8: مطلوبہ مارکیٹ کا انتخاب
2 عدد بار کوڈز خریدار کے ایل میل ایڈریس پر بھیجے جائیں گے اور کو آپریٹیو کسٹمرز کو خریداری کے لیے صرف 30 منٹ دیے جائیں گے۔
ایک کوڈ خریدار کے کرفیو میں باہر رہنے جبکہ دوسرا کوڈ خریدار کی جمعیہ بکنگ کی تصدیق کے لیے ہوگا۔
اس ماہ مبارک میں دوسری سپر اور ہائپر مارکیٹس کے اوقات مندرجہ ذیل ہوں گے۔
سٹی سینٹرصبح 08:30 سے دوپہر 03:30 تک
سلطان سینٹر صبح 09 بجے سے دوپہر 02 بجے تک
لولو ہائپر مارکیٹ صبح 08 بجے سے دوپہر 03 بجے تک
گرینڈ ہائپر صبح 08:30 سے دوپہر 03 بجے تک
ان تمام گروسری اسٹورز پر خریداروں کے لیے آن لائن خریداری اور ہوم ڈیلیوری کی سہولت موجود ہے۔ خریدار ان اسٹورز کی ویب سائٹس سے رمضان المبارک کے لیے مطلوبہ چیزوں کی آن لائن خریداری کرسکتے ہیں۔
Courtesy: Michelle Fe Santiago – ArabTimes
