کویت کے طول و عرض سے لوگوں کی شرکت – 138 بلڈ ڈونرز نے خون کا عطیہ دیا۔
پاکستان اسپورٹس ایسوسی ایشن کویت کو بلڈ ڈونیشن کیمپ کے کامیاب انعقاد پر مبارک باد پیش کرتا ہوں- اِس سے پاکستانی کمیونٹی کا کویت میں امیج مزید بہتر ہو گا۔ سفیر پاکستان محمد اسلم خان۔
ہم تمام بلڈ ڈونرز، اسپانسرز، کمیونٹی پارٹنرز، سنٹرل بلڈ بنک کی انتظامیہ اور PSAٹیم کا شکریہ ادا کرتے ہیں جن کے تعاون کی وجہ سے بلڈ ڈونیشن کیمپ انتہائی کامیاب رہا۔ بانی و ڈائریکٹر جنرل PSA محمد عرفان عادل
خون کا عطیہ کرنا ایک اِنسانی خدمت ہے۔ پاکستان اسپورٹس ایسوسی ایشن کویت بلڈ ڈونیشن کیمپ کے انعقاد کا سلسلہ جاری رکھے گی۔ صدر PSA مقبول احمد نائب صدر محمد یونس شاہد۔
پاکستان اسپورٹس ایسوسی ایشن کویت کے تمام ٹیم ممبران اور معاون کامیاب بلڈ ڈونیشن کیمپ کے انعقاد پر مبارک باد کے مستحق ہیں۔ سینئر ایڈوائزر PSA محمد عرفان شفیق
بلڈ ڈونیشن ایک صدقہ جاریہ ہے۔PEFK آئندہ بھی اپنے بھر پور تعاون کو جاری رکھیں گے۔ سینئرنائب صدر PEFKمحمد نواز
خواتین کی بلڈ ڈونیشن کیمپ میں شرکت انتہائی خوش آئند اور حوصلہ افزاء ہے۔ ڈاکٹر عطیہ انجم، نادیہ محمد
پاکستان اسپورٹس ایسوسی ایشن کویت ایک معروف اور فعال تنظیم ہے جو کویت میں کھیلوں اورصحتمندانہ سرگرمیوں کے انعقاد میں اپنا ایک خاص مقام رکھتی ہے- پاکستان اسپورٹس ایسوسی ایشن کویت کی بنیاد محمد عرفان عادل نے14 اگست، 2013کو رکھی۔اور گزشتہ ٢ سالوں میں اس تنظیم نے کرکٹ، ٹیبل ٹینس، والی بال کے کئی ٹورنامنٹس کا انعقاد کیا جس میں سینئر ممبران علی رضا، محمد عرفان شفیق، نوید بٹ ، مقبول احمد ، یونس شاہد اور دیگر ساتھیوں نے اہم کردار ادا کیا۔ اسی سلسلے کو جاری رکھتےہوے پاکستان اسپورٹس ایسوسی ایشن کویت نے مورخہ4 دسمبر،2015 بروز جمعہ مبارک کو بلڈ ڈونیشن کیمپ کا انعقاد کیا جس میں کویت کے طول و عرض سے ہر کمیونٹئ کے لوگوں نے شرکت کی۔ PSA کے اس بلڈ ڈونیشن کیمپ میں138 بلڈ ڈونرز نے خون کا عطیہ دیا۔ اس میں پاکستانی، کویتی، مصری، بنگلادیش، بھارت،فلپائن اور نیپال کےباشندےشامل تھے۔ بلڈ ڈونیشن کیمپ کے مہمان خصوصی سفیر پاکستان محمد اسلم خان تھے- اَنھوں نے سنٹرل بلڈ بنک میں ہونے والے بلڈ ڈونیشن کیمپ کا وزٹ کیا اور ہر ایک مرحلے پر کیمپ کی سرگرمیوں کے حوالے سے معلومات لیں- اَنھوں نے کہا کہ میں پاکستان اسپورٹس ایسوسی ایشن کویت کو بلڈ ڈونیشن کیمپ کے کامیاب انعقاد پر مبارک باد پیش کرتا ہوں ۔ اس سے پاکستانی کمیونٹی کا کویت میں امیج مزید بہتر ہو گا- اَنھوں نے کیمپ میں آنے والے تمام ڈونرز کیلے انتہائی جدید اور خودکار رجسٹریشن کے نظام کی بھی تعریف کی جس سے شناختی کارڈ کی تصویر کے ذریعے رجسٹریشن کے تمام مطلوبہ کوائف حاصل کیے جا سکتے ہیں ۔ اَنھوں نے مزیدکہا کہ مجھے خوشی ہے کہ یہ کیمپ انتہائی منظم اور احسن طریقے سے انعقاد پزیر ہوا ہے اور اس سے پاکستان اسپورٹس ایسوسی ایشن کویت کی انتظامی صلاحیتوں کا اندازہ ہوتا ہے ۔ اَنھوں نے خواتین کے شعبئہ کا بھی وزٹ کیا جسکی انچارج ڈاکٹر عطیہ انجم اور نادیہ محمد تھیں جبکہ رجسٹریشن کے نظام کو بشریٰ وقاص نے انتہائی احسن طریقے سے انجام دیا۔ سفیر پاکستان نے کیمپ میں خواتین کی شرکت پر مسرت کا اظہار کیا اور ڈاکٹر عطیہ انجم ، نادیہ محمد، بشریٰ وقاص اورانکی ٹیم کے کام کو سراہا ۔ اَنھوں نے کہا کہ سفارت خانہ پاکستان آئندہ بھی اپنے ہر قسم کے تعاون کا یقین دلاتا ہے ۔
پاکستان اسپورٹس ایسوسی ایشن کویت بانی و ڈائریکٹر جنرل محمد عرفان عادل نے اس موقع پر کہا کہ ہم سفیر پاکستان اور سفارت خانہ پاکستان کے مشکور ہیں جنھوں نے جنہوں نےہماری حوصلہ افزائی کی ۔ اَنھوں نے مزیدکہا کہ ہم تمام بلڈ ڈونرز ، جو کہ ہمارے اصل ہیرو ہیں، انکا اسپانسرز، کمیونٹی پارٹنرز، بلڈ بنک کی انتظامیہ، PSA کی تمام ٹیم اور معاونین کا شکریہ ادا کرتے ہیں جن کے تعاون سے بلڈ ڈونیشن کیمپ انتہائی کامیاب رہا ۔ انھوں نے تمام اسپانسرز، جن میں المنصوریہ کمپنی کے جنرل مینجر شمشاد خان تنولی، الشائع پرنٹنگ پریس کے اونر رمضان بھٹی، یو ایس ٹیکس کے جنرل مینجر آصف جمال، اشرف گروپ آف کمپنیز کے جنرل مینجرز امجد اشرف اور ساجد اشرف، Xenonکمپنی کے اونر محمد الفیصل، جوسڈ کمپنی کے اونر حمد اورIKEA کمپنی کا شکریہ ادا کیا۔ جنھوں نے اس بلڈ ڈونیشن کیمپ کو اسپانسر کیا۔
پاکستان اسپورٹس ایسوسی ایشن کویت کے صدر مقبول احمد اور نائب صدر محمد یونس شاہد نے کہا کہ خون کا عطیہ کرنا ایک عظیم اِنسانی خدمت ہے اور پاکستان اسپورٹس ایسوسی ایشن کویت بلڈ ڈونیشن کیمپ کے انعقاد کا سلسلہ جاری رکھے گی۔ سینئر ایڈوائزر محمد عرفان شفیق نےاپنے بیان میں کہا کہ بلڈ ڈونیشن کیمپ کا انعقاد اِنتہائی احسن قدم ہے اور اِنتہائی منظم انداز میں کیمپ کے انعقاد پر میں پاکستان اسپورٹس ایسوسی ایشن کویت کی تمام ٹیم اور ممبران کو مبارکباد پیش کرتا ہوں۔
PSA بلڈ ڈونیشن کیمپ کے انتظامی امور میں پاکستان ایمپلائمنٹ فورم کویت کی ٹیم نے کلیدی کردار ادا کیا۔ PEFK کے سینئرنائب صدر نے کہا کہ ہمارا فورم آئندہ بھی اپنے ہر قسم کے تعاون کو جاری رکھےگا۔
شعبه خواتین کی انچارج ڈاکٹر عطیہ انجم، نادیہ محمد نے کہا کہ خواتین کی بلڈ ڈونیشن میں شرکت اور خون کا عطیہ کرنا ایک اِنتہائی خوش آئند اور حوصلہ افزاء ہے۔ انھوں نے انٹرنیشنل سکول آف پاکستان کی اساتذہ کی بھی تعریف کی اور کیمپ کے انعقاد میں تعاون پر تمام خواتین ممبران کا شکریہ ادا کیا۔ پاکستان قرأت و نعت کونسل براے خواتین کویت کی صدر محترمہ روبیلہ غزل نے بھی خصوصی طور پر کیمپ کا دورہ کیا اور انتظامات کو سراہا۔ ڈاکٹر ہدیٰ شمس، انعم حفیظ، مریم خلیل اور انٹرنیشنل سکول آف پاکستان کی اساتذہ، جن میں آمنہ طارق، فریحہ عتیق، سونیا ذوالفقار اور سمیرہ نعیم نے، اپنی خدمات کو انجام دیا۔
پاکستانی کمیونٹی کی نمایاں شخصیات نے کیمپ کا دورہ کیا جن میں اوپیک ممبر حافظ شبیر، پاکستان بزنس کونسل کے صدر محمد عارف بٹ، فرینڈز ویلفئر ٹرسٹ کے چیئرمین نور محمد، ڈاکٹرز ایسوسی ایشن کے صدرڈاکٹرشجاع الدین، المنصوریہ کمپنی کے جنرل مینجر اور کیمپ کو-اسپانسر شمشاد خان تنولی ، ھلا پاکستان کے صدر نوید شہزاد، سجاد نوید، خالد قمر، کےپی وائئ ایس کے بانی نعیم جان شامل تھے۔ میڈیا سے عبدالشکور نواے وقت، عابد ملک اور خالد نور (پاک میڈیا)، محمد عرفان شفیق (Q8Info)، محمد عرفان عادل اور محمد ریاض (پاکستان اپ ٹو ڈیٹ)، شریف حدیثوی (آغاز)، عاطف صدیقی (پاکستانیز ان کویت) اور شاہد (ووپ میڈیا) کے علاوہ کویت ٹیلیویژن نے بھی اس کیمپ کی خصوصی کوریج کی۔جس پر صدر PSA مقبول احمد اور نائب صدر محمد یونس شاہد نے تمام معزز مہمانوں کا شکریہ ادا کیا۔ انھوں نے عثمان چوہدری) کویت اپ ٹو ڈیٹ (کا خصوصی شکریہ ادا کیا جنھوں نے سوشل میڈیا پر اس کیمپ کو خصوصی کوریج دی۔
محمد عرفان عادل نے پاکستانیز ان کویت کے بانی عاطف صدیقی کے تعاون اور کوریج پر شکریہ ادا کیا اور کویت ٹیلیویژن کی خصوصی کوریج پر انکی خدمات کو سراہا۔
PSA کی انتظامیہ نے بلڈ بنک کا بھی شکریہ ادا اور ان کے تعاون کی تعریف کی۔ PSA کی انتظامیہ جن میں محمد عرفان عادل، مقبول احمد، محمد یونس شاہد ، PSA کے سابق صدر علی رضا، محمد عرفان شفیق، ساجد حسن، وسیم باجوہ،فرزان طارق،یوسف نقوی،یاسین سامی،صہیب فوزی، ساجد محمود کے علاوہPEFK کی ٹیم سے محمد نواز، ڈاکٹر عطیہ انجم، نادیہ محمد، بشریٰ وقاص، ڈاکٹر تنویر احمد، وقاص احمد، عقیل خان، محمد ریاض، محمد عمران خان نے شبانہ روز محنت کر کے اس کیمپ کو کامیاب کرنے میں اہم کردار ادا کیا۔اِس طرح انسانی خدمت کے تناظر میں ایک خوبصورت اور اِنتہائی منظم بلڈ ڈونیشن کیمپ اپنے اختتام کو پہنچا۔ پاکستان اسپورٹس ایسوسی ایشن کویت کی انتظامیہ اور ارکان بلا شبہ اِس کارخیر کو انجام دینے پر مبارکباد کے مستحق ہیں۔
