اردو کویت: احمدی ہیلتھ ڈسٹرکٹ کے ڈائریکٹر احمد الشطی نے اس افواہ کی سختی سے تردید کی ہے کہ عدان ہسپتال میں مونکی پوکس کا کیس درج کیا گیا ہے۔ روزنامہ السیاسہ کی رپورٹ کے مطابق، ہسپتال اور ضلع دونوں منکی پاکس وائرس سے پاک ہیں۔ روزنامہ کو ایک خصوصی بیان میں، الشطی نے انکشاف کیا کہ عدان ہسپتال کے طبی ماہرین نے ایک کویتی بچے کی نگرانی کی، جو چند روز قبل بوسنیا سے آیا تھا،اور اس پرمنکی پاکس وائرس انفیکشن کا شبہ تھا۔ اگرچہ بچے کے علاج پر مامور ڈاکٹروں کو منکی پوکس کی کوئی علامت نظر نہیں آئی، تاہم انہوں نے احتیاط کے طور پر بچے کو کمیونیکیبل ڈیزیز ہسپتال ریفر کر دیا۔
انہوں نے مزید کہا کہ ٹیسٹوں کے نتائج سے ثابت ہوا کہ بچے کو منکی پاکس نہیں ہے، اور وہ موسم کی تبدیلی یا کچھ کھانے پینے کی وجہ سے ہونے والے الرجی کا شکار ہے۔ انہوں نے تصدیق کی کہ ہسپتال میں صحت عامہ، پرائمری ہیلتھ کیئر، ڈرمیٹولوجی اور ایمرجنسی ڈیپارٹمنٹس کے ساتھ مل کر بیماری پر ورکشاپس اور لیکچرز کا انعقاد کرکے کسی بھی ممکنہ منکی پاکس انفیکشن سے مؤثر طریقے سے نمٹنے کے لیے الرٹ کی سطح کو بڑھا دیا گیا ہے۔
انہوں نے ملک میں کوویڈ کیسز کی کم ہوتی تعداد کی نشاندہی کرتے ہوئے اس بات کی تصدیق کی کہ خطے میں وبائی امراض کی صورتحال مستحکم ہے۔ انہوں نے کہا کہ عدان ہسپتال ہر پیشرفت اور متعلقہ بین الاقوامی اور مقامی حکام کی جانب سے وبائی امراض اور ابھرتی ہوئی بیماریوں کے بارے میں جاری کردہ سرکلر پر گہری نظر رکھے ہوئے ہے ۔
